Puor Bɛl kɛnɛ Yuop Kakä

Kɛɣöö mi cɔali-Science dit rɛydɛ kɛɣöö tɛkɛ tii ca lat thin, bikɔn ruai jɔwkä mi cɔalkɛ acidic kɛnɛ basic. Me ji rami rɔmrɔ kɛ bɛl kiɛ manytapni, Gööri ɣöö bi titi ŋɛ̲̈ɛ̲̈c ɛgɔa, kɛnkɛ ŋuni kä deri kɛ jiek käŋu?

Kue lar ɛnɣöö muondan rööŋ acidic-dɛ.kɛɣöö tɛkɛ juay kɛnɛ jiɛn ti pith thin. Jiɛn kɛnɛ juay mɔ cikɛ tɛ̈thpinyɔ kä cakɛ ben waac ɛpiw, la nööŋkɛ mi cɔalkɛ acidic. Piw la piw ti nööŋkɛ yier kiɛ piw nhial kɛ dial la̲tkɛ niɛkɛl. Ɛcet nekɛ min cä lar min dan ɛnɣöö muondan rööŋ acidic-dɛ käkɛɣöö rööŋ acididɛ, thilɛ la̲t mi lɛ göör käkɔn. Mi ci muon kakädu thɛ̈m kɛɣöö themni ti ca rialikä thin kä kɔkɛ kä China kä mi ce diw  kiɛ cɛ ŋɛ̲̈ɛ̲̈c ɛnɣöö kakdu acidic min terɛy muon ɣöö ba rep. Ca̲p min gɔanijɛn päl pur kakä mɔmɔ kɛ run ti cuopkɛ 4. Wer purä gua̲th midɔŋ kiɛ wer cakkak gua̲th mi dɔŋ. Bi juay do̲ny kä bikɛ tɛth piny kä mi w nhial wä dɛ̈m, kä bi piw kɛ waac kä bi acidic ditdɛrɔdɛ rep rɛy muonɛmɔ. Mi wiwä luony thin kä bi acidic-dɛ ben thɛ̈m, biɛ jiek ci kakdu ciaŋdɛ luoc gɔyä.

 Kɛ kuiy basic kä, ɛme jiekɔnɛ kä milɛ kiɛ ŋɛ̈ɛ̈th. Kɔn naath göörkɔn milɛ rɛy mithdan. Kä göör bɛl kiɛ jien ŋɛ̈ɛ̈th rɛy pinä bä. Kɛ ca̲p min thia̲kni jɛn  kɛɣöö de bɛlku ŋɛ̈ɛ̈th jiek, bi rɔny bɛl ra̲rrɛykakä kä bikɛ cua̲th kɛ ruel. Mi gööriɣöö bi kakdu yuop, bi lät titi la̲t niciaŋ. Mi ca jiɔm, bi bɛku ŋɛr kä bi rɔnykiɛn rarrɛykakädu kä mi ca ruel bikɛ cua̲th. Mɔ ci nhial dɛ̈mɔ, bi ŋɛ̈ɛ̈th waay kä bi muon kakädu basic jiek.

Mɛmɛ ɛjɛn ciaŋ min de raan kakdɛ yuopkɛjɛ. Mi ci ruaidä theŋ kä cie guor, bi kakdu te bɛl niciaŋ kä ci muondɛ bi dɔŋ.

Titi kɛ thuuk-ti-gɔw kiɛ läri ti gɔw!

Ɛmal te yie!